CPFilms është lider në tregun e folieve plastike për xhama, në lidhje me standartet e cilësisë krahasuar me prodhues të tjerë. Çdo prodhim i joni përgatitet në përputhje me kriteret më të rrepta të prodhimit në Angli si dhe në Shtetet e Bashkuara të Amerikës, që nga viti në vit të sigurojë dhe garantojë mbajtjen e certifikatës ISO-9001 sipas kritereve të përcaktuara. CPFilms është e vetmja prodhuese e folieve për xhama në botë që kryen vetë të gjithë procesin e prodhimit të tyre. Prodhimet e përfunduara (në varësi të llojit) mund të kalojnë në fazat e mëposhtme të prodhimit: ngjyrim, spërkatje me metal, vendosja e shtresave të ndryshme mbrojtëse, përpunimi, laminimi dhe prerja sipas nevojave. Duke patur parasysh këto mundësi prodhimi DPFilms është e aftë të prodhojë çdo lloj folie për nevojat e kërkuara.

Kapaciteti i madh i prodhimit i CPFilms i detyrohet fabrikave të saj të vendosura në pika të ndryshme të botës. Në sasi më të madhe shesim folie të gatshme, ose vetëm komponentë, ashtu si edhe gjithë prodhuesit e tjerë të folieve, anëtarë të IËFA (Organizata Ndërkombëtare e Folieve të Xhamit)

Për momentin CPFilms prodhon në ambiente me madhësi totale mbi 70 000 metër katror, prodhim i cili kryhet në të gjithë fazat e tij në kushte pastërtie të plotë (clean-room) në përputhje me standartin 10000 për sa i përket kushteve të pastërtisë clean-room. CPFilms punëson më tepër se 700 persona në mbarë botën. Njësitë kryesore të prodhimit janë në Martinsville ShBA dhe Runcorn, Angli. Pjese më e madhe e prodhimeve për tregun evropian vijnë nga prodhuesi në Evropë. CPFilms i jep rëndësi të madhe plotësimit të standarteve më të larta për cilësinë e prodhimit. I gjithë prodhimit kryhet në përputhje të rreptë me standartet ISO 9001, në të gjitha fazat e prodhimit dhe të tregtimit. Testimi fillon që me ardhjen e lëndëve të para, e vazhdon deri në fund gjatë të gjithë procesit të prodhimit, në të gjithë njësitë e prodhimit.

Si rrjedhojë, prodhimi përfundimtar plotëson të gjitha kërkesat më të larta teknike. CPFilms i kushton një rëndësi të veçantë burimeve për kërkim dhe zhvillim, si për periudhë afatgjatë, ashtu edhe për zgjidhjen e problemeve të përditshme në lidhje me produktet, në fazat e ndryshme të prodhimit, si edhe në lidhje me çdo aktivitet tjetër kërkimor. Fillimet e firmës datojnë në vitin 1950, kur Jules Hermes filloi të merrej me ngjyrimin e fijeve të përdorura për tapete në qytetin Martinsville të Virginia. Më vonë firmës i vunë emrin Martin Processing, e cila shpejt fitoi emër falë zhvillimit dhe cilësisë. Në 1989 firma Courtaulds bleu Martin Processing, Gila River Products dhe firma të tjera të prodhimit të folieve dhe themeloi firmën Courtaulds Performance Films (tani CPFilms).

Kompania mëmë ka kryer zhvillime të rëndësishme në emër të CPFilms në dhjetëvjeçarët e fundit, gjë e cila bëri të mundur kryerjen e investimeve të shumta në dobi të firmës, gjë e cila solli rritjen e mëtejshme të kapacitetit dhe të kapitalit intelektual profesional. Gjatë viteve, Courtaulds zhvilloi në mënyrë të vazhdueshme ritmin e prodhimit me anë të blerjes së pajisjeve të reja të prodhimit, si përpunues, laminues, vendosës shtrese kundër gërvishtjeve, prodhues shtrese mbrojëse silikoni, spërkatës metali dhe gazi. Më 19 prill 1998 Solutia shpalli blerjen e CPFilms, e cila edhe sot funksionon si degë më vetë e kompanisë.

CPFilms më 1994 hapi magazinën e përjashtuar nga taksat në Budapest. Roli i saj qëndron në sigurimin e furnizimit të shpejtë me prodhimet e CPFilms-LLumar për Evropën juglindore.

Qendra e Evropës juglindore, merret jo vetëm me tregtimin e folieve, por në mënyrë të veçantë në këtë industri ofron edhe shërbimet e tjera teknike të nevojshme përtej atyre të tregtimit. Qëllimi i saj është edhe trajnimi teorik dhe praktik i vendosësve të folieve për xhama LLumar, në mënyrë që puna të kryhet me cilësi sa më të lartë.